s'Hexeliad

Vorsp: (2x)

Echsen-bluat und Jung-fern-kraut Krahje-fiaß und Schlån-gen-haut
Råtze-schwäaf und Larch-igs-kiê
miaß mer heint nõ suache giên

1.Str.:

Lõst's Leitle es isch wår, i jedn dritte Jåhr jå då kimmt ou für ins wieder die Zeit
då muaß a jede Hex, so isch es bei ins G'setz
den Schwur erneuern då in Nåssereith

1. Ref.: (2x)

Då kemma mir oug'flõge auf dia Bése und treibe då zwoa Tåg inser Unwése drum liabe Leit - nemmt's besser enk in Åcht weil wer mit ins sig oulegt der håt s'lescht mål g'låcht

2.Str.:

Nou dreizehn ån der Zåhl, d'jed von an åndre Tål doch kuane bleibt bei den Ereignis aus
die lescht wo wår sig z'schiên zun Treue schwöre giên
dia isch verbrennt zåmt ihren Hexehaus 
 

2. Ref.: (2x)

Sogår der Våter kimmt mit seiner Zwergenschår und biatet wieder d'ållerschienschte Musig dår
dia kluane Mandle g'fürchtlig und méarålt
bei deren Ånblick weard sogår ins Hexe z'kålt
 

3. Str.:

Wenn d'Glogge nocha leit', sêin ålle schu bereit deas gånze unter Aufsicht vu dear Nal'
die Musig isch verhållt, weitum riahrt sig kua G'stålt
jå dånn beginnt deas schaurig' Ritual
 

3. Ref.: (2x)

Åber wås då, wås isch deas für a große Schånd' dia dreizehnt' Hex hebt weder d'Finger nou die Hånd
die Muater schreit: - "du minders Luaderviech
di sperr ig heint nou ei, daß i di nimme siech"
 

4. Str.:

Und isch es dånn vollbråcht, vu Bluat drei Kreizle g'måcht der Muater wieder g'schwore inser Treu'
dånn darf mer los auf d'Leit, nix schianers für ins geit
z'verführe enk mit ållerhand Gebräu
 

4. Ref.: (2x)

Åber wenn's finschter weard dånn ou am zwoate Tåg isch es vorbei in Dorf mit deare Hexeplåg
doch passt's enk au - in Wåld mit wåndre giên wo miar iaz drei Jåhr sêin deas kånn ma wisse nia
 

Schluss:(2x)

Echsen-bluat und Jung-fern-kraut Krahje-fiaß und Schlån-gen-haut
Råtze-schwäaf und Larch-igs-kiê
passt's enk au mit wåndre giên